ZO-ON ICELAND – Sagan í stuttu máli

Veðráttan á Íslandi er dyntótt og óútreiknanleg. Undan ströndum landsins mætast kaldir hafstraumar frá Norðurskautinu og hlýjir straumar ættaðir sunnan úr höfum. Þetta hefur áhrif á hitastig á landinu frá degi til dags og jafnvel frá einum tíma dags til annars. Við aðstæður sem þessar getur verið erfitt að velja viðeigandi utanyfirfatnað.

ZO-ON á Íslandi kemur til sögunnar

Stofnandi ZO-ON, sem hefur stundað útivist allt sitt líf, var orðinn þreyttur á því að vera sífellt blautur og kaldur þegar ætlunin var að njóta lífsins í faðmi náttúrunnar. Dag nokkurn þegar hann var á gangi um hálendið ákvað hann að þróa betri leið til að framleiða útivistarfatnað – fatnað sem héldi útivistarfólki þurru og væri jafnframt þægilegur hvernig sem viðraði.

Hvernig sem viðrar varð að slagorði og markaði upphafið að fatalínu sem bauð íslenskri veðráttu byrginn. Þetta gerðist fyrir um það bil 15 árum. Á þeim tíma sem liðinn er hefur útivistarfatnaður frá ZO-ON orðið vinsæll meðal snjóbretta- og skíðafólks sem og hjá þeim sem stunda gögnguferðir og golf eða vilja bara einfaldlega tolla í tískunni.

Utan Íslands

Fyrir nokkrum árum fórum við að selja fatnaðinn okkar erlendis. Viðskiptahugmyndin var að fatnaður sem staðist gæti veðráttuna á Íslandi – fatnaður „fæddur á Íslandi“ – myndi þola nánast hvaða veður sem er, hvar sem er í heiminum.

Þetta varð upphafið að ævintýri sem verður æ meira spennandi með hverju árinu sem líður. Það er óneitanlega hvetjandi á fá jákvæð viðbrögð á alþjóðlegum vörusýningum og frá ferðalöngum sem segja að fatnaðurinn frá ZO-ON sé einmitt það sem þeir hafi verið að leita að.

Frelsi fyrir útivistarfólk

Hjá okkur í  ZO-ON er útivistarfatnaður miklur meira en vörumerkið eitt. ZO-ON stendur fyrir frelsi til að njóta náttúrunnar án þess að þurfa að hafa áhyggjur af veðrinu. Fatnaðurinn frá ZO-ON er fallegur, þægilegur og stenst væntingar. Það er alls ekki svo lítið nú til dags!

ZO-ON – hvernig sem viðrar